UTARATIBU WA MAUNGANISHO MAPYA

 1. Fomu ya maombi

• Mteja anapaswa kujaza fomu ya maombi ambayo inapatikana bure ofisi kuu ya IGUWASA, kwenye tovuti ya IGUWASA.

2. Viambatisho vinavyohitajika  

• Barua ya Afisa Mtendaji au Mwenyekiti wa Serikali ya Mtaa wa eneo husika
• Picha mbili (Passport Size)
• Nakala ya kitambulisho (Kitambulisho cha Taifa, Kadi ya Mpiga kura, Leseni ya udereva ama kitambulisho kingine kinachotambulika na serikali)
• Kwa taasisi/mashirika watapaswa kupiga muhuri sehemu ya picha na kuweka viambatisho vya usajili wa taasisi/mashirika yao.

3. Upimaji (Survey) 

• IGUWASA itafanya upimaji kwa mteja aliyekamilisha kujaza fomu ya maombi na viambatisho vinavyohitajika na kuiwasilisha ofisi za IGUWASA ndani ya siku saba za kazi.

4. Makadirio ya Gharama  

• IGUWASA itaandaa gharama zote za makadirio zinazohitajika kwa ajili ya maunganisho mapya.
• Ununuzi wa vifaa vipya vya kuunganisha huduma ya maji itafanywa na IGUWASA kwa kufuata sheria na kanuni za manunuzi ya umma.

5. Taarifa kwa mteja. 

• Baada ya makadirio ya gharama, IGUWASA itamjulisha mwombaji kupitia ujumbe mfupi (SMS) jumla ya gharama ya maunganisho. Gharama hizi pia zitapatikana kwa mteja kufika ofisi za IGUWASA

6. Malipo 

• Makadirio ya gharama yatalipwa na mteja kupitia namba ya malipo ya serikali – Control Number, au utaratibu utakaowekwa na serikali ya Jamhuri ya Muungano wa Tanzania.

7. Utekelezaji wa maunganisho mapya.

• Baada ya mteja kukamilisha malipo ya gharama za maunganisho mapya IGUWASA itamfanyia mteja maunganisho ya huduma ya majisafi.
• Baada ya maunganisho kukamilika IGUWASA itafanya majaribio ya kuhakiki ufanisi wa maunganisho.
• Dira ya maji itafungwa kwa mteja bure